Hotele ne Shkoder

E shtrire ne brigjet e liqenit me te madh ne Ballkan qe mban emrin e saj, Shkodra e njohur me pare me emra te tille si Scodra, Scodrium, Scuttari apo Skadar, eshte nje nder qytetet me te lashta te Shqiperise. E ndertuar rreth shekullit te IV p.e.s , kulmin e saj ne antikitet e arriti ne shek. III p.e.s kur fisi Ilir i Adrianeve krijoi nje shtet Ilir me kryeqytet pikerisht Shkodren. Pervecse nje qender historike, Shkodra ka qene dhe eshte nje nder qendrat e kultures, arsimit dhe tregtise. Ajo ka pasur lidhje te vazhdueshme me perendimin dhe sidomos me Italine dhe Austrine. Shkodra eshte dhe mbetet kryeqendra e katolicizmit shqiptar. Megjithese me nje popullsi qe i perket besimeve te ndryshme fetare ajo eshte nje shembull i shkelqyer i tolerances nderfetare qe eshte tradite e shqiptareve.
Megjithe veshtiresite qe ka kaluar ky qytet nder shekuj, vazhdon te ofroje shume kenaqsi per turistin. Keshtjella e Rozafes, nje monument 2400 vjecar qe qendron krenar akoma sot e rrethuar nga pamje magjepse ne te kater anet.Fototeka e Marubit, muzeu arkeologjik dhe ura e Mesit jane me te vertete interesante dhe nuk duhen anashkaluar nga asnje turist qe viziton Shkodren. Per me teper natyra qe te ofron, me liqenin, lumenjte Drin dhe Buna qe takohen pas kalase dhe se bashku rrjedhin te qete ne det, si dhe me alpet shqiptare qe i duken si kurore e bejne kete qytet edhe me terheqes per vizitoret.